Naciaj Simboloj
La
Kuba flago
En 1849 la Kuba generalo Narciso López elpensis
la Kuban flagon, kaj li sciigis sian amikon Miguel Teurbe Tolón pri la ideo,
kaj Miguel desegnis la flagon, kiun poste faris la edzino de Miguel, Emilja. La
flago estis 50 centimetrojn longa kaj 35 centimetrojn largxa, mankudrita kaj
kun blanka stelo.
Tri bluaj bendoj reprezentas la tiaman sxtatan dividon de
la insulo: Okcidento, Centro kaj Oriento. Du blankaj bendoj reprezentas la
justecon kaj dignon de la batalantaj patriotoj. La rugxa triangulo estas
simbolo de la sango elversxita de la herooj, kaj la sola stelo kun pinto
supren reprezentas la unuigxon de la popolo en unika brilo.
La Kuba blazonsxildo
La kuba patrioto Miguel Teurbe Tolón, en 1849
elpensis sxildon, kiu dum 1850 kaj 1851 estis uzata de la generalo Narciso López,
cxefo de la Provinca Gubernio de Kubo, por stampi oficialajn dokumentojn kaj
pagbiletojn. La sxildo estas ovalforma, dividita je du trionoj de la alteco,
kie estas horizontala linio. La supra parto, la cxefa, montras maron cxe
kies flankoj videblas du terpecoj -Terkapo Sable en Florido kaj Terkapo Catoche
en Meksikio-, kaj sxlosilon, kiu reprezentas la eniron al la Meksikia Golfo.
Malantaux cxio duonaperas la suno en la horizonto.
La malsupra maldekstra sekcio reprezentas la tiaman politikan
dividon de la insulo, per tri bluaj bendoj; dum la du blankaj bendoj rilatas al
la justeco kaj digneco de la patriotoj.
En la malsupra dekstra sekcio staras la Regxa Palmo (Palma
Real, la plej utila arbo en la Kuba historio), kiel simbolo de la verda, forta
kaj fruktodona grundo. Malantauxe aperas du montoj, kaj hela cxielo kun
nubetoj.
Kiel subteno aperas stagnofasko de malantaux la sxildo,
indikante la unuigxon de la kubanoj. En la supro de la fasko estas cxapo
kun kvinpinta stelo, kiu estas simbolo de libereco. La brancxo de verda
kverko reprezentas la pacon, kaj la brancxo de lauxro signifas venkon.
|
