Situo kaj detaloj
La Kuba Respubliko estas insularo konsistanta el proksimume 1 600 insuloj kaj insuletoj, kun totala areo de 110 860 kvadrataj kilometroj. Inter tiuj insuloj troviĝas Kubo mem, kaj la Junulara Insulo.
La Kuba insularo situas en la Okcidenta Kariba Maro.
La plej norda loko de la lando estas en Cruz del Padre. La meridiana ekstremaĵo estas Punta del Inglés.
La plej orienta loko estas Punta Quemados, kaj la plej okcidenta estas Cabo de San Antonio.
La Kuba horaro korespondas al la 75a okcidenta meridiano, kiu koincidas kun tiu de la normala orienta horaro en Norda Ameriko, kaj kun tiu de la okcidenta en Suda Ameriko. La Kuba teritorio havas diferencon de 5 - 6 horoj en rilato kun landoj de Okcidenta Eŭropo.
La teritorioj plej proksimaj al Kubo, ĉe la Nordo estas Key West, Usono, je 180 kilometroj; kaj Bahamoj, insularo malproksima je deko da kilometroj. Oriente troviĝas la insulo La Española, je 77 kilometroj, kiun dividas Haitio kaj Dominika Respubliko. Sude estas Jamaiko, je 140 kilometroj. Okcidente troviĝas Jukatano, Meksikio, je 210 kilometroj.
La Kuba insularo situas apud la Tropiko de la Kankro, limo de la subtropika regiono de la planedo.
Pro sia historio, kulturo, lingvo kaj moroj, Kubo apartenas al la grupo de landoj latinamerikaj kaj karibaj.
| 
