Julio Mangada Rosenor
Sancti-Spiritus havas la honoron kalkuli pri Julio Mangada Rosenor, kiam temas
pri prestigxaj logxintoj. En junio 1877 li naskigxis en la domo
numero 2 de la strato tiam nomata San Gonzalo (nuntempe numero 22, strato Plácido). Lia patro, Ruperto, estis cxefo
de la militoficejo lokita en la nuna restoracio "El Mesón" (La
Tablego). La patrino nomigxis Luisa, kiu estis ano de familio kun granda
prestigxo en la pedagogia sfero.
En 1889, Julio vojagxis al Hispanio, kie li matrikuligxis en
milita lernejo. Tie estis multaj poloj, kaj li ekkonis pri la ekzisto de
Esperanto.
Malgraux lia militeco, li cxiam apogis la proletajn ideojn, kio
en pluraj okazoj estis kauxzo por liaj enkarcerigxoj kaj apartigxoj
de la milita posteno. En la Hispana Civita Milito li
estis kolonelo kaj cxefo de la trupo "mangada", kaj la popolo cxiam lauxdis kaj respektis lin.
En 1942 li komencis logxi en Meksiko, kie li dedicxis sin al
Esperanta agado. Li faris tradukon de "María Pineda", verko de García
Lorca; li verkis vortaron Hispana-Esperanto kun 25 000 vortoj; li pretigis
materialon titolitan "El Esperanto al alcance de todos", por lernado
de Esperanto. Julio Mangada partoprenis kvin universalajn kongresojn, inter kiuj
la unuan en 1905.
Li cxiam estis en kontakto kun la naskigxlando, kaj li petis havi
grunderojn de la naskigxdomo, kuban flagon, kubajn monerojn kaj
fruktoarbeton. Julio Mangada mortis en Meksikio la 14an de aprilo
1946.
Por la Esperanta movado en la urbo de la rivero Jajabo, Julio Mangada
Rosenor estas grava, prestigxa kaj honorinda simbolo.
Memortabulo
Fotoj pri la Memortabulo
|
