La urbo Sancti Spíritus
Sancti Spiritus estas ricxa je historiaj kaj kulturaj valoroj. Trapromenante la urbon eblas koni pri la grupoj kaj sociaj klasoj en
gxi logxintaj, per vizito al la simpla domo cxe la strato Pancho Jiménez No. 128 kaj al la luksaj domoj
cxe la stratoj Manuelico Díaz No. 78 kaj Céspedes No. 16 .
La placoj kaj parkoj estas tradiciaj en la Sanktaspirita urbostilo. La Parko Serafín Sánchez estas nuntempe la centro de la
cxiutaga agado de la urbo, cxar tien alvenas la cxefaj stratoj, kaj cxirkaux
gxi trovigxas la sidejoj de gravaj sociaj institucioj.
La historio de la Vilagxo konservigxas en la multaj muzeoj. La plej grava estas la Muzeo de Kolonia Arto en la domo de la ricxa familio Valle Iznaga de la kolonia epoko; La Galerio de Universala Arto en la domo de la loka pentristo Oscar Fernández Morera, kaj kie prezentigxas liaj originalaj verkoj samkiel artajxoj acxetitaj per la mono de la Premio "Miguel de Cervantes Saavedra", donaco de la elstara verkisto Alejo Carpentier; la Provinca Muzeo de Sancti Spiritus, kun detaloj de la prahistorio
gxis la nuntempo; la Domo de la Trobadoroj, kie en festa etoso elvokigxas lokaj artistoj kiel Miguel Companioni, auxtoro de la kanzono Mujer Perjura (Malfidela Virino), kaj Rafael Gómez (Teofilito), kiu komponis la senmortan
Pensamiento (Penso Mia).
La pasintjarcentaj militoj por la sendependo konservas siajn historiojn en la naskigxdomoj de la plej elstaraj herooj, kiel Serafín Sánchez Valdivia, kiu partoprenis en la tri militoj, kaj kiu farigxis Majoro Generalo. Krome li estis kunlaboranto de José Martí.
Foto-Galerio
de Sancti Spiritus
|
