Skiza historio de Sancti
Spíritus
Hispanoj fondis la urbon en 1514,
kiel unu el la sep unuaj vilagxoj en Kubo. La fondinto, Diego Velázquez,
estis akompanata de Pánfilo de Narváez, Francisco Fernández de Córdoba
(malkovrinto de Yucatán), kaj kredeble ankaux Bartolomé de las Casas.
La unua loko estis apud la rivero Tuinucú, sed en 1520 la logxantoj
translokigxis apud la riveron Jajabo pro ne preciza kialo. La
historiistoj havas tri hipotezojn:
- Atakoj de dangxeraj formikoj
- Intersxangxo de terpeco fare de la posedantino
- Ekonomiaj problemoj
Tiel estis, ke en 1522,
Sancti-Spiritus definitive lokigxis cxe la maldekstra bordo de la rivero
Jajabo.
Tiam gxi ampleksis vastan teritorion: 400 kilometrojn en
la okcidenta direkto. Oficialaj dokumentoj pruvas, ke la jurisdikcio etendigxis
preskaux gxis Bainoa, en Havano, kiu tiutempe ankoraux ne estis la
cxefurbo.
La geografía situo de la urbo en la koncerna jaro, estis: 21
gradoj, 49 minutoj 45 sekundoj, laux la turo de la Cxefa Pregxejo (Iglesia
Mayor).
Inter 1588 kaj 1719 okazis kelkaj atakoj de piratoj kaj
korsaroj, kun detruado de arHxivoj, stelagado, bruligo. En 1665 la urbo
estis rekonstruita. La 20an de auxgusto 1667, bone armita grupo de
defendantoj sukcesis forkurigi piratojn dum nova atako. La evoluo de la urbo
estis alloga por tiaj rabistoj, kiuj la 13an de decembro 1719 sukcesis detrui
kelkajn bienojn antaux ol forkuri.
En la 19a jarcento kelkaj famuloj vizitis la teritorion: La famkonata germana
sciencisto Alejandro de Humboldt alvenis al Trinidad la 14an de marto 1801;
komence de aprilo la episkopo Juan José Díaz de Espada y Landa trovigxis
en Sancti-Spiritus, kaj li diktis rezolucion malpermesantan la entombigon de
mortintoj en la pregxejoj. La 6an de julio 1830, la nomata "nevenkebla
bataliono" de Tarragona alvenis al Sancti-Spiritus.
Inter la jaroj 1831 kaj 1848, la logxantaro
en la teritorio nombris 42 204 homojn, el kiuj 7 417 liberaj nigruloj kaj 9 553
sklavoj.
La 15an de julio 1839 okazis la inauxguro de la Cxefa
Teatro (Teatro Principal), post 11 monatoj de laboro.
La plej sxatataj festoj inter 1849 kaj 1861, estis Sankta Semajno, Santiago
kaj Kristnasko, dum kiuj montrigxis la religia karaktero de la tiama popolo.
Per Regxa Ordono de la 12a de majo 1862, la vilagxo
Sancti-Spiritus ricevis la nomon Urbo Sancti-Spiritus, kaj la logxantoj
festis senhalte dum pluraj tagoj. La urbo estis bele ornamita, kaj okazis
militaj paradoj.
La Kuba Respubliko naskigxis la 20an de majo 1902, kiam
Tomás Estrada Palma farigxis Prezidento.
La 2an de decembro 1957 alvenis la sxipo Granma kun
81 homoj gvidataj de Fidel Castro Ruz.
La 23an de decembro 1958, je la 6:30 ptm, la loka radiostacio
CMHT disauxdigis la novajxon: Sancti-Spiritus estas libera teritorio.
Laux statistiko de decembro 1994, la logxantaron de
Sancti-Spiritus konsistigas 119 561 homoj, el kiuj 59 884 estas viroj kaj 59 677
virinoj.
|
